港漫咬蔗幫

---

節目主持：漫遊者，末日狼，冰之、私敵 客席嘉賓：亂入小貝 由《龍虎門》講到《王風雷》；由《老夫子》講到《三國誌》，論盡全港薄漫，只此一家，畫面又行先；橋段又行先；編劇又行先；主筆又行先……A……唔理講邊本先，總之都係讀者角度行先。 本本越睇越上火；集集一聽就下火！

 

第 1 ~ 10 集	第 11 ~ 20 集	第 21 ~ 30 集	第 31 ~ 40 集	第 41 ~ 50 集

第 51 ~ 60 集	第 61 ~ 70 集	第 71 ~ 80 集	第 81 ~ 90 集	第 91 ~ 100 集

第二十集 - 港漫雜談 崎駿大戰玉皇朝，醉拳回歸玉記懷抱，崎駿亦唔比面，出天下無敵劍邪神，擺到明同老黃過唔去。漫畫界又一場大戰，準備黎料了。 三國神兵真係差到不行，玩兵器玩game味玩三國無問題，但既然有屬性，點解唔加強呢d點子運用，然後好好地搞一個充滿game風格的漫畫呢！ 殺道今集又黎海虎再世? 信和突然地獄上身，要變壞，就要攬女‧沖涼‧食生果，原來佢呢三年黎自閉，就係為左要睇晒三年份的海虎！？ 神掌龍劍飛推出立花正仁，全虛子出場相當有型，但係佢老祖宗三絕掌實在七到不能，竟然唔把握一邪雙飛重傷一刻下殺手，唔通要等人好返先走返出黎殺佢?

 

第十九集 - 港漫雜談 戰漫之敗，是讀者不夠耐性，還是他們的市場策略出現問題? 三國神兵創刊，點子齊全，畫面出色，偏偏52頁故事得20頁推進。想做game味但又一d都無game味，咁究竟崎駿想點? 我會俾多一兩期機會，你又會嗎? 海虎復刻，你會唔會買? 定係未夠時候，仲未係經典中的經典? 殺道繼續好睇，今期阿信竟然首男上身，怒打直播記者，你會否想起首男殺杜龍一幕? 同樣橋段，我就鍾意首男夠癲夠狂夠性格，你呢?

 

第十八集 - 港漫雜談 天子6恃盛凌人，100期目標達成，但係作畫就越黎越一塌糊塗。漫畫漫畫，故事再好都要畫面扶持，本來畫功不好不是最大問題，但是卻沒有好好配合故事發展才是最大問題。 龍虎門/風雷繼續怒抄海虎，究竟玉記發生咩事? 神領運用了香港實境，但卻浪費了一個好題材，結果香港狩獵這個意念就此浪費了。 另外，香港漫畫人抄人家分鏡的場面，你又點睇?

 

第十七集 - 完全從來沒有創作過?那倒不盡然！ 今個星期，港漫咬蔗幫講下幾本新出或準備出版的新書。 由似乎係同人組織組成的c_war推出左一本全新的《戰漫》，以戰爭作為主題的全新漫畫雜誌，帶出了全新的香港漫畫感覺。其中主題故事由三個漫畫家畫出一個故仔的三個段落，感覺新鮮。另外一d短篇同四格，部份有趣部份超爛gag。如果成日都要買d「毒品」黎刺激自己神經，咁不如嘗試下呢d全新的有heart作品。 新書《黃玉郎醉拳》(dr.wong's drunk punch)準備出版，可惜賣廣告已經係龍虎門的人，老祖宗先破金鐘罩，再毀風雷臂。連翻兜醉拳都無信心到要用龍虎門黎做crossover? 難道無忌哥哥和小劍仙就是如此及不上黑龍小虎王風雷??? 崎駿新書《三國神兵》，大玩三國、神兵加芒亨，又係咩葫蘆賣咩藥? 唔通而家港漫界連創作力都無埋，只係能夠一味搵市面上最紅的題材黎翻炒? 不過，呢種現象已經唔係今時今日先發生架喇，主流港漫五十年，其實都係一味在市場上跟風而已，漫遊者今集就同你淺淡一下。

 

第十六集 - 沒有好的港漫了嗎? 今集嘉賓：五月 新聞報道：豪宅買下豪宅，其之一。(其之二請留意動廢第136集) 新著龍虎門前傳之王風雷傳，原來大家一直怪錯佢地，其實本書應該叫做《王風雷笑傳》，所以先會有咁多笑料，今期繼續惡搞海虎，海虎王戇x扮大兜，騎住殺人鯨出海，然後一齊表演海洋劇場絕技跳出水面，捧腹程度直頭蓋過當年殺人鯨海威。話唔定，其實本書係由甘小文主編，先有咁o既效果。 之前我地一直詬病《王風雷傳》fit唔返《龍虎門》個世界，原來一直搞錯左，同埋睇唔到個盲點。只要由《龍虎門》去遷就，就咩都搞得掂了。今期小和尚戒仔先黎上演「色戒」，俾月尊者色誘成功，尾段再來一場「火雲邪神的憂鬱」，決戰武當張三豐，輕易升lv上到黑級高階，才發現高處未算高，仲有更強力量等緊你去上。 殺道經已進入新世界，桑恩可能先係最受歡迎男主角，每次見佢出場，港漫少女小貝就會忍唔住笑，睇黎佢應該愛上左桑恩喇。 《可惡教主》第二期經已出版，今期同上集的《漫金遊》的「金日精選」有d異曲同功，都係講返一d 20世紀少年在上課時的一d趣事。如果你都係20世紀少年，你一定會有所共鳴。 新書《鬼異集》真係相當詭異，竟然走黎扮《怪異集》，仲要整句日文扮《地獄少女》，偏偏內文一d都唔恐怖，想講out date野「辮子姑娘」又怕太out，結果加上現代前世今生，可惜安排氣氛唔夠，搞到又無時尚味道又無恐怖感，失敗！

 

第十五集 - 又一次教你咩叫合理編劇 個個星期都要教一次，有時都覺得自己煩 。 繼上集鬧完《神領》無啦啦用隻階磗3去諗住引隻大DEE出黎俾我地插左一鑊，編劇繼續重覆犯錯，無啦啦叫隻航母入維港中心輾斷部天星小輪！實在係法國菜-多舊魚。航母本身無乜攻擊力，只係一個大字，用作運輸實在是不合設計，而且強逼撒離香港，天星小輪又何以留在海中心？呢D小節都彰顯了編劇及主編的無用心，另外用香港做背景本來好有意思，以「香港狩獵」為題係一個突破，但事前唔駛又叫無限同ZERO大打出手丫，破壞完先知自己勁？唔係呱！而且一眾異能者無視香港環境大肆破壞，又違犯左兩個大佬的原意，成個設計被盡情破壞，浪費到極。14蚊，《神領》的第二部實在唔值。 《殺道》文戲越黎越多，但又越黎越過癮。今期講出阿信呢三年黎做過乜野，但最過癮仲係桑恩出場兩格，已經令人覺得呢個角色的出位與有趣。阿信、桑恩同羅比，各有特色，故事發展到兩年，似乎已經開始走到去「作者控制唔到角色」的地步，佢地自己成長起黎，實在係近年黎港漫少見。另外亦可以見到作者和仔對保育同環境的個人想法，令到本書特別具有靈魂。 故事開始好，寫人性有味道，《神掌龍劍飛》經過延長後故仔的確好左，而且開格比較具變化同多，所以睇落比較抵睇。但係電彩始終都係唔夠力，上色過淡，好似化開晒咁，尤其今個星期就更加嚴重，好似out focus咁，呢一點，應該要好好處理下。 終於明白胡大編係邊個，原來佢就係陳傲雲，因為佢寫陳傲雲個處境真係絲絲入扣，極具個性，佢以前見得太多港女只睇樣，所以就寫到王小龍乜都唔駛做，d女就湧埋黎。好一本經典作品，就係咁，俾d寫得唔好的男女感情橋段浪費晒，打又唔好睇，文場又唔好睇，龍虎門三個字，就咁被燒焦。 新書《漫金遊》仲未推出，只有小量漫畫店有售，似乎係發行問題。睇過之後，的確極具感受，可以知道一班不計收穫，只為熱誠的漫畫助理的辛酸史，又可以知道佢地從參與製作獲得的滿足感，更加值得我地熱愛漫畫的人的致敬。《漫金遊》可以話係金城自己對自己前半生的一個紀錄，雖然只係佢個人的回顧，但係的確又可以一齊回顧一下，以漫迷的身份同金城回憶，以「20世紀少年」的身份同金城回憶，以一個人的身份同金城一齊反思生命。唔想賣廣告，但正如金城在節目時所講，真正可以令人感動呢！

 

第十四集 - 肥良退休了，你感覺如何了? 救命啊！！ 肥良仲係自我陶醉之中，以為一切都係讀者對佢的偏見 決定退休唔寫武神了 當一個人沒有認真承認自己的回塘 而將自己的生意失敗歸疚於其他人 包括助理或讀者 這種人 就算暱名再出書 你還會支持嗎? 當這十年來港漫界其中一個重要主編退休了 各位，你感覺如何了? 師父……救命啊！！！

 

第十三集 - 今集繼續鬧盡本地薄漫 《龍虎門》你搞乜鬼……惡佛如來突然變成廢佛如來，雖然仍然係佛，但係態度完全唔一樣。之前俾人劈極唔入，今期就話俾人一拖就身首異處，實在兒戲得令人大呼過癮。如此蹂躪一代經典，胡寶寶呢位編劇可謂一代神人。 《天下無敵小劍仙》龍劍飛化，小劍仙受到《天下無敵》的感染，決定還童。但如此難練的神功，竟然半期可即。似乎《天下無敵》的《醉拳》版權應該都差唔多到期，所以先會咁急於安排完成小劍仙對無忌一戰。 《殺道行者》出現冰之……王者，近期《殺道》頻頻出現二重人格、內心自我矛盾的角色，先係喪paul的雙子座性格，又有桑恩的抑壓瘋狂，新近的索羅又出現男女溝和。一般來說，作品反映作者，唔通……和仔呢期人格分裂？ 今集最想同大家分享一下特別版封面的話題，10年前街霸鬥拳王引發出港漫界最大規模的特別版封面戰，創意無限之餘更令讀者回憶無限，不過俱往矣。雖然近幾個星期《王風雷傳》都有推出特別版，但用料上無新意，亦無配合故事發展，難道鬼才興真的完全回塘？

 

第十二集 《神4》捉到鹿唔識脫角，明明設定好一個好切入點，玩穿梭人間宇外，偏偏就令主角路人化，實在係大大浪費。可能始終唔係好識點玩呢條橋，新章「宇外逃殺篇」將所有角色重歸一線，比較容易駕馭，希望有轉機！ 《新領》換左編劇後劇力大減，新章新世界新時代，太多小說式交待，又走回以往的主流漫畫格局同路線。一直期待新公司會有更好表現，不只remake或新著而是全新故仔，希望不只依靠劍僑的人氣吧！ 唔知《神4》有無得救，但銷量不佳就唔係秘密，為求生計自然要另謀出路，近年寫咩最好?梗係新著啦，《新著醉拳》正式宣告由龍少發板，能否力挽狂瀾自然是未知之數。但你想要一個全新故事，定係只係畫面提昇的remake版? 牛佬即係牛佬，《神掌龍劍飛》一決定跟隨《王風雷傳》後應，無限期延長，立刻上力。無定飛環對如來神掌，幾十年功力對江湖初哥，打得不夠淚但最好有料到，唔好浪費《神掌》之餘，更加唔好浪費牛佬。 新書《伏與龍》搵出少有的愛情主題作為切入點，全新角度寫最為人熟悉的三國，都一樣有火花。可惜畫面太爛，李志清竟然支援唔起之前在漫畫界默默無聞的莊漢波?有無搞錯！有畫面就無好故仔，有好故仔無好畫功支持，港漫係咪真係就咁而死？

 

第十一集 想讚都唔得，真係唔知點算，《武神》啊《武神》，肥良啊肥良，你究竟想點！不過呢一兩期都算有少少回勇，巨鯊對克豹，終於有返少少火。畢竟，回勇好過回塘。 《風雷》繼續亂來，完全唔能夠配合空想科學大戰，揀啱戰機，偏偏就畫錯噴射方向，呢期權權真係百密一疏了。一本好的漫畫，不在GIMMICK，而在故事好，畫功佳。好好的一本玉記最強製作團，就浪費在鬼才手上。我地俾得14蚊，都係想要一個合理的故仔呢！ 賤人門小龍，先殺女友個阿爸，女友遲來一步令黑龍身死，又埋怨女友，此等賤格人渣，比起陳傲雲更適合做奸角呢！好好地一本《龍虎門》，就咁搞到又無時代感又無俠義精神…….失敗。 《殺道》繼續狂傲澎湃，不過千祈阿信唔好咁快三度覺醒，因為希望可以繼續長出，成就新一代佳作。另外，原來阿信命犯天煞孤星，今期又害死自己條女，可憐小雷「香消玉殞」，有d估你唔到！ 鬧左好多集的《神掌龍劍飛》，今期繼續普通，唔知有咩好講。浪費了牛佬啦！不如早完早著。