港漫咬蔗幫


節目主持:漫遊者,末日狼,冰之、私敵
客席嘉賓:亂入小貝


由《龍虎門》講到《王風雷》;由《老夫子》講到《三國誌》,論盡全港薄漫,只此一家,畫面又行先;橋段又行先;編劇又行先;主筆又行先……A……唔理講邊本先,總之都係讀者角度行先。

本本越睇越上火;集集一聽就下火!

 

第 1 ~ 10 集 第 11 ~ 20 集 第 21 ~ 30 集 第 31 ~ 40 集 第 41 ~ 50 集
第 51 ~ 60 集 第 61 ~ 70 集 第 71 ~ 80 集 第 81 ~ 90 集 第 91 ~ 100 集
第 101 ~ 110 集 第 111 ~ 120 集 第 121 ~ 130 集 第 131 ~ 140 集 第 141 ~ 150 集


2010年8月18日 第110集
終於,都講返即期書
 
[ PART I ] [ PART II ] 


《第8銅人》好地地,咁就搞成又唔第8,又唔銅人,失敗!

《沈虎禪》d旁白cut出黎可能仲多過本小說呀~~~~

《殺道》呢期真係悶悶起,真係好想返屋企

《火雲邪神》點解呢頭講完d野轉頭又唔記得?西城勇係咪想救老豆?無啦啦又去大三巴搵觀音去參觀媽閣廟優美景緻?

做男人做到咁真係爽?個夢遺下一個功力提升的效果!勁!詳情請睇性公子!

G.E.M之前點解俾人話未紅先驕?唱歌無感情?又臭串?哦~~~其實唔關條金魚事架,係電腦程式問題之嘛,咁就推晒D責任,幾好?

 


2010年8月11日 第109集
上一集淨係講新書,今集咩書都唔講囉!
 
[ PART I ] [ PART II ] 


因為,我地今集訪問光良!
鍾國光,余詠良!
「唔走佢就,實無運,仲要付出兼找數。
如若你肯,衝出海洋再上路。
回復畫風,乸起pencil圓規再闖新書數。
去一漫年,與你共舞!」

 


2010年8月4日 第108集
108集,唔講108,不過都好多書講喎!
 
[ PART I ] [ PART II ] [ PART III ] [ PART IV ]


火‧創‧潮‧天‧文‧鐵‧江‧沈‧金!

又一戰神倒下,孫策說再會,一切,還看《火鳳》。

史上最性感趙姬,最唔主角o既嬴政!就睇下再進一步的阿孫,點寫《創帝紀》!

夠唔夠潮?夠唔夠gag?本年最新晉後生主筆二十四為你送上《潮語達人》。

算唔算係最hea o既《天子》創刊號?《三國驕皇》有無機會可以打破薄漫三國唔掂o既劣績?

唔係我杯茶,係唔係你杯茶?《文具戰士》可唔可以為年輕一代帶黎新衝擊?

駛唔駛咁老土呀?《新著鐵血螳螂》真係向肥良致敬喎!

冰之真係唔妥《江湖大佬》,話佢地質素低喎,呢次佢大鑊喇!

本年動漫節最佳薄漫,會唔會係大冷《沈虎禪》?但我地都插足佢十五分鐘!

《金漫畫》真係好懷舊,冰之唔係好識評佢有無誠意,你地點睇?

最後,首尾呼應!《火鳳小說‧翼德》,得左!

今個夏天真係多書睇,所以我地不惜一切,講足四節,兩粒鐘,你地都聽夠皮啦!

 


2010年7月28日 第107集
天子67特約:再與編劇談67!
 
[ PART I ] [ PART II ]


嘉賓:鍾英偉

今集成集只係講一本書,如果你唔想聽關於《天子6》或《7》o既野,就咪x聽喇!

啱啱完左《天子6》,禮拜尾就出《天子7》
所以今個星期請左編劇--鍾英偉上黎同大家分享佢創作《天6》、《天7》o既想法
包括我地主持對結局的想法,編劇又有咩解說?
阿偉同阿興原來有關係?
阿偉大爆主編袁家寶好「雙乳」?

千祈唔好錯過,今集港漫咬蔗107。!

 


2010年7月21日 第106集
不如返屋企先講啦!
 
[ PART I ] [ PART II ]


主持:無題、耐人尋味、禍不單行、莫名其妙、匪夷所思

究竟《新著鐵血螳螂》係咪肥良寫架?咁似o既?打螳螂拳打到有「慈祥力量」?密切留意!

耐人尋味:究竟,七索同君寶有無死到?余兒同彬強有無諗住改原著?

《殺道》個埋尾似乎真係有d立,呢場大battle都唔夠張力,打到散修修咁。

點解沈虎禪可以咁膠?你一早就知係一次出賣黎架啦!咁做乜又到後尾先話佢又因為王小石夠義氣而感同身受而救佢?《溫群》呀《溫群》,唔好衰收尾呀!

原來陳友諒在幾百年後化身陳浩南,使出「翼我同在」現代版:「生‧死‧可‧雙‧搥」!

性公子d運返黎喇,d老友返晒黎喇,東南西北中發白全部返黎,要一筒有一筒,要七索有七索,要桃花喇喎,梗係有桃花啦!請收看《嚦咕嚦咕性公子》!

「絕世丹青‧蓋世中興!」一個專欄都講半粒鐘?神秘漫畫家有野想回應嘛!

 


2010年7月14日 第105集
冰之返黎喇
 
[ PART I ] [ PART II ]


大家等左咁耐o既冰之終於返黎,新書《火雲邪神傳》速報,講下畫面又有幾爆先!

講完《火雲》梗係要講《龍虎門》啦,咁就一節架喇!

都話朮赤係冧徐達架啦,講到明係因為佢先會變大……呀,唔係,係變強!

我想將天賜的小秘密呈上,一雙翅膀,食住女,又食一個,唔理漢,還是日本。葉天賜,準備食埋個妹啦!

柳五:「我強姦你係因為我想你個妹小心身體,好好保護自己身體呀沉舟!!」

「你睇,光仔黎喇!」ar ar ar,誰都知我真喜愛,《文具戰~~~~士》。

《銅人》所以好,其中一個要歸功個製作班底,全程都跟住,無變過,加上九把刀原著有返咁上下框架,令《銅人》可以令福龍成功反底,不過,佢完,有唔捨得,但應該要完。

 


2010年7月7日 第104集
新舊交替之際……
 
[ PART I ] [ PART II ]


《武神》玩名著,玩出個咩花樣來?只有名而無實,實在係樹欲靜而風不息,水欲抽而實不在!

劉定堅間動畫公司出師未捷,你可唔可惜?毒劉的一小退步,香港動畫的一大退步?

《文具戰士》即將登場,鍾國光係唔係可以成功為一漫年補充個讀者斷層?

懷舊經典《金漫畫》返黎喇,你開心嘛?你高興嘛?你興奮嘛?........我地就麻麻喇!

咦!《新著鐵血螳螂》好有海洋feel喎,唔同.....係海洋人做o既?

《溫群》打得好勁揪,可惜表達太跨張,古裝人整個反物質黑洞出黎,不如下集叫伽俐略出黎分析下打出黎個效果會點丫!

《殺道》唔會收唔到個好尾下話,今集好多甩漏野喎!

 


2010年6月30日 第103集
 
[ PART I ] [ PART II ]


一班主持加晒法號:漫遊、布施迪、不捨、信眾末日狼

《王風雷傳》叫你捨呀,聽唔聽到呀?

《天子6》個宋帝昺做緊咩呢?講到咁勁,但又俾班人玩到咁應o既?

點樣去體現勁人打主角?用《龍虎門》同《第8銅人》比較下啦!

 


2010年6月23日 第102集
勁game隊爆團!?
 
[ PART I ] [ PART II ]


點解,點解《中華英雄online》同《龍虎亂舞K-1》D人設可以潮過原著咁多?

肥帝決定進軍歐美市場,香港人,你們便給我他媽的哭吧!

《龍虎門》終於同《王風雷》接軌喇!

唔駛人人都係趙大明,今晚立法會班友仔,一樣可以一人一篤痰就吐死你喇!

點解大飛會唔妥浩南呢?佢都係自願上去幫拖啫?唔通,牛佬係留有後著?另外,有張無呢啦更o既poster!

喂,易中天定易天中呀!另外阿戰雄真係本著「要打!就一定要贏!」o既信念,下下都插眼打小閹!真好嘢!

 


2010年6月16日 第101集
邊個話半斤一定等於八両?
 
[ PART I ] [ PART II ]


今集一個主持都無,只有勝老師、惡帥私敵、旁觀末日狼、冰之斤、小學雞

《春秋戰雄》真係好有教育意義呀!1200斤唔一定打輸俾1600斤架,因為,春秋戰國時代,度量衡係未統一架!

徐達同朮赤打得唔夠勁,搞到漫記要搞個超級爆gag!神棍終於令到十三心甘情願咁俾左半碌野佢!

當今港漫最強畫面,捨《第8銅人》其誰?

《葉問》真係越做越有,不過今期做crosscut,似乎未完全消化個原著劇本。

中二病學生--陳傲雲:「無位呀,死八婆死八婆!」一早都話小虎小龍唔尊敬佢老豆架啦!父親節,便給我去死吧!我只要腐親節!

小雷好野!電死佢班xxxxx啦!但你做乜鬼要拎個咁o既手袋呀,同你個頭型撞晒,而你個髮型又同d衫褲撞晒!